Töfrar Gardavatnsins hjólaferđ 2. - 9. júní 2018
Garda hjol 2018 uppselt   TÖFRAR GARDAVATNSINS - HJÓLAFERР
8 dagar / 7 nætur
Lágmarks fjöldi 8 manns, hámark 15
Fararstjóri Brandur Jón Guðjónsson

Prentvæna og nánari útgáfu af upplýsingum um ferðina má sjá hér 

ÞESSI FERÐ ER UPPSELD!

Um stórbrotið landslagið við norður enda Gardavatnsins er frábært að ferðast. Dvalið verður í Riva del Garda, sem er stærsti bærinn við norður enda vatnsins. Það er ægifagurt í Riva, snarbrött fjöll rísa upp úr bláu djúpu vatninu og bærinn kúrir í skjóli þeirra á flatlendinu norðan vatnsins.  Þessi bær er ekki eins „túrista“ troðinn eins og sumir aðrir við vatnið og því þægilegur að búa í. Þar eru fallegar byggingar, notalegt og afslappað andrúmsloft, og gaman að rölta um bæinn síðdegis og á kvöldin eftir vel heppnaðan ferðadag.

Þetta er ferð fyrir venjulegt fólk til að njóta og upplifa! Dagleiðirnar eru fjölbreyttar, og mis erfiðar, og þátttakendur þurfa að vera í þokkalegu formi til þess að njóta þess sem gert er, auk þess sem skilyrði er að þeir séu vanir hjólreiðum, því verið er á hjólunum meira og minna allan daginn nokkra daga í röð, og við mismunandi landfræðilegar aðstæður.

Eina takmark hvers dags er að klára dagleiðina og njóta þess sem fyrir augu ber – og vera komin inn á hótel fyrir kvöldmatinn!

Alltaf er verið á sama hótelinu og þar verða snæddir morgun- og kvöldverðir. Hótel Centrale er einfalt og þægilegt þriggja stjörnu hótel, og er, eins og nafnið bendir til, frábærlega staðsett í hjarta gamla bæjarins í Riva og stendur við höfnina og aðaltorg bæjarins. Útfrá hótelinu er síðan lagt af stað að morgni gangandi, hjólandi eða akandi í lengri eða styttri dagsferðir.

Miðað er við að þátttakendur leigi sér góð fjallahjól á staðnum. Lang mestan hluta ferðarinnar er verið á bundnu slitlagi á umferðarlitlum götum, vegum og hjólastígum, en einnig á malarstígum, mis grófum...

Lágmarks fjöldi 8 manns, hámark 15. 

GARDA HJOL

Ferðaáætlun:

Dagur 1 - laugardagur, 2. júní:

Flogið til Malpensa (Milano)

Flogið með Icelandair frá Keflavík til Malpensa (Milano) kl 16:50 - áætluð lending 22:40 og við tekur u.þ.b. þriggja tíma akstur til Riva del Garda.

Dagur 2 - sunnudagur , 3. júní:

Sarca dalurinn

Byrjað á sækja hjólin, og svo lagt af stað í fyrstu dagleiðina – hjólað til bæjarins Arco, en síðan um fjölbreyttan og fallegan Sarca dalinn og með samnefndri á, inn að Toblino vatni. Miðdegishressing tekin í kastalanum sem stendur við vatnið, áður en farið verður aftur til baka, að hluta til aðra leið, núna framhjá Cavedine vatni.

Hækkun/lækkun* u.þ.b. 300m – U.þ.b. 65 km. Umferðarlitlir sveitavegir/góðir hjólastígar, þar af malarstígar u.þ.b. 2 km – Þyngd 2 af 5

Dagur 3 - mánudagur, 4. júní:

Lago di Ledro

Farið í bíl með hjólin upp að Lago di Ledro (Ledro vatni) sem er ein af perlum svæðisins.  Hjólað umhverfis vatnið og síðan niður í áttina að Riva. Tekinn smá útúrdúr til að koma við á fallegum útsýnisstað og upp í þorpið Pregasina áður en hjólað verður um hið magnaða mannvirki „Strada del Ponale“ niður til Riva.

Hækkun* u.þ.b. 200m/lækkun* u.þ.b. 750m – U.þ.b. 35 km, skiptist til helminga í umferðarlitla sveitavegi og hjólastíga, þar af malarst. u.þ.b. 6 km.–Þyngd 3 af 5

Dagur 4 - þriðjudagur, 5. júní:

Malcesine – Monte Baldo

Farið í bíl til Malcesine og hjólin tekin með í kláfi upp á fjallið Monte Baldo. Þaðan er víðsýnt til allra átta, m.a. yfir nánast allt Garda vatnið. Svo er hjólað „norður og niður” eftir fjallinu á ágætum vegum um fallegt landslag og blómlegar sveitir, heim á hótel.

Hækkun* u.þ.b. 200m/lækkun* u.þ.b. 1900m – U.þ.b. 50 km, þar af malarvegur 4 km - umferðarléttir sveitavegir u.þ.b. 35 km / hjólastígar u.þ.b. 15 km – Þyngd 3 af 5

Dagur 5 - miðvikudagur, 6. júní:

St. Barbara kapellan

Hjólin fá hvíld þennan daginn, en farið í staðinn í stuttan en snarpan göngutúr upp í kapellu heilagrar Barböru.

Nokkuð erfitt – Hækkun/lækkun* u.þ.b. 570m – U.þ.b. 3 ½ - 4 klst.

Dagur 6 - fimmtudagur, 7. júní:

Tremosine og Limone

Nú verður hópnum skutlað dálítinn spotta suður með vatni að vestanverðu en svo stigið á bak hjólunum til að fara um stórbrotið gljúfrið í Val Brasa og upp í þorpið Pieve. Hjólaður góður hringur um Tremosine svæðið, og niður í hinn fallega bæ Limone sul Garda. Að lokum verður svo siglt með ferju heim til Riva aftur.

Hækkun* u.þ.b. 400m/lækkun* u.þ.b. 600m – U.þ.b. 25 km. allt bundið slitlag, þar af umferðarléttir sveitavegir 23 km. – Þyngd 3 af 5

Dagur 7 - föstudagur, 8. júní:

Comano og nágrenni

Þennan dag verður byrjað á bílferð en síðan hjóluð fjölbreytt og falleg leið um Sarca gljúfrið, farið um Comano Terme, framhjá Lago di Tenno vatninu og inn í miðalda- og listamannaþorpið Canale di Tenno áður en farið verður niður til Riva aftur.

Hækkun* u.þ.b. 600m/lækkun* u.þ.b. 800 – U.þ.b. 40km. á hjólastígum og umferðarlitlum sveitavegum, þar af malarstígar u.þ.b. 10km – Þyngd 3-4 af 5

Dagur 8 - laugardagur, 9. júní:

Fyrst Milanó og svo heim á leið...

Lagt verður af stað frá Riva fyrir hádegið og fyrsti viðkomustaður verður í miðborg Milanó þar sem að skoðaðar verða nokkrar þekktar byggingar og andað að sér andrúmslofti nútímans og fyrri alda - en síðan farið yfir til Malpensa flugvallar þaðan sem heimflugið verður kl 23:40, áætluð lending í Keflavík kl. 01:55

Athugið að í þessa ferð er hægt að koma án þess að taka þátt í hjólahluta hennar og þess vegna er hjólaleigan ekki innifalin í verðinu. Þetta hentar t.d. pari þar sem að annar aðilinn vill taka þátt í hjóladagskrá ferðarinnar en hinn eingöngu vera í sólbaðs-, skoðunar- og afslöppunarferð.

GARDA HJOL 2

Þjónusta & verð

Innifalið

í verði ferðar:

Flug

02.06.2018: Flug FI 592 Keflavík - Malpensa (Milano), brottför 16:50 lending 22:40

09.06.2018: Flug FI 593 Malpensa – Keflavík, brottför 23:40 lending 01:55  

Vinsaml. athugið að flugtímar geta breyst.

Gisting

 7 nætur á Hótel Centrale*** í Riva del Garda.

Matur

Morgunverðir

Innifalið alla dagana

Hádegisverðir

Ekki innifalið

Kvöldverðir

Innifalið – 5 kvöldverðir

Ferðir / flutningar

Allur akstur og aðrir flutningar (kláfur, ferja o.þ.h.) sem þarf til að fylla inn í áætlun ferðar.

Fararstjórn

Brandur Jón Guðjónsson

Fundur með fararstjóra fyrir ferðina.

Ekki innifalið:

Drykkir með kvöldmat

Aðgangseyrir á söfn o.þ.h.

Annað það sem ekki er talið upp í „innifalið”

Reiðhjólaleiga (u.þ.b. € 100,-)

Verð:

Verð á mann í tveggja manna herbergi

209.900,- staðgreitt

Verð á mann í eins manns herbergi

229.900,- staðgreitt

Greiðslur og gjalddagar:

Staðfestingargjald:

Staðfestingargjald ISK 75.000 þarf að greiða innan 7 daga frá pöntun. Athugið að staðfestingargjald fæst ekki endurgreitt ef til afbókunar af hálfu viðskiptavinar kemur.

Lokagreiðsla:

Til að staðgreiðsluverð gildi þarf að greiða ferð að fullu í síðasta lagi 6 vikum fyrir brottför, annars hækkar verð um 5%.

Ábendingar:

Lágmarks þátttaka er 8 manns. Ferðaskrifstofan Íslandsvinir áskilur sér rétt til að hætta við ferð sex vikum fyrir brottför ef þátttaka er ekki næg og mun þá endurgreiða að fullu.

Ferðaskrifstofan Íslandsvinir og fararstjórar hennar áskilja sér allan rétt til að breyta áætlunum ferða ef veður, umferð og/eða ástand vega, eða aðrar ófyrirsjáanlegar aðstæður gefa tilefni til.

Forfallatrygging er ekki í boði í sérferðum ferðaskrifstofunnar. Í mörgum tilfellum er forfallatrygging innifalin í skilmálum greiðslukorta og/eða heimilis- og fjölskyldutrygginga fólks og er viðskiptavinum bent á að hafa samband við banka sinn eða tryggingarfélag til að kanna stöðu mála. Verð ferðar er háð almennum gengisbreytingum, en breytist ekki eftir að hún er að fullu greidd.

Ferðaskrifstofan Íslandsvinir er aðili að SAF (Samtök ferðaþjónustunnar, sjá www.saf.is) og því gilda almennir skilmálar samtakanna um allar ferðir ferðaskrifstofunnar, auk þess sem viðkomandi flugfélag getur verið með sína skilmála til viðbótar.

Frekari upplýsingar og skráning í síma 510 9500 eða sendið fyrirspurn á info@explorer.is

Farþegar í ferðum Íslandsvina fá sérkjör í útivistarvöruverslunum  „Fjallakofans“ í Hafnarfirði og Reykjavík. 

| More
19.10.2017
Skíđagöngunámskeiđ í Tékklandi 21. - 28. janúar 2018

Við endurtökum leikinn frá því í fyrra og þau Auður og Óskar verða með skíðagöngunámskeið í Spildleruv Mlýn í Tékklandi seinnipartinn í janúar. 

Hvort sem þú ert byrjandi eða lengra kominn þá er þetta frábært tækifæri til þess að ná tökum á þessari skemmtilegu almenningsíþrótt.

Ætlarðu að taka þátt í Vasa- göngunni í vetur? Komdu til Tékklands til þess að æfa við mjög góðar aðstæður!

Nánari upplýsingar má fá hér

| More